Қашқадарё вилоятининг Яккабоғ тумани ҳокими Лутфиддин Абдуллаев вилоятнинг собиқ ҳокими Зафар Рўзиев ҳамон унинг ишига аралашиб, тумандаги раҳбарларни алмаштириш борасида топшириқ бериб келганини билдирди. Бу ҳақда Telegram’даги «Қитмир мухбир» каналида хабар берилди.
Ижтимоий тармоқларда тарқалган аудиоёзувдан англашилишича, туман ҳокими Лутфиддин Абдуллаев Садриддин исмли дўстига бу ҳақда гапирган.
Дўстим Садриддин Зафар Рўзиев яқин-яқингача менга топшириқ бериб, палончини алмаштир, пистончини қўй деб келди. Охири эй, қўлингдан келганини қил дедим. Ўзимнинг ақлим бор, бировнинг йўриғига юрмайман дедим, — дейди Яккабоғ тумани ҳокими Лутфиддин Абдуллаев.Яккабоғ ҳокими вилоятнинг собиқ ҳокими ҳақида гапириб, у вилоятга раҳбарлик қилган пайтда қўлида чексиз имконият бўлганини, аммо Зафар Рўзиев вилоятни ривожлантириш ўрнига, содда одамлардан фойдаланиб келганини айтади.
Баъзи пайтда Яккабоғни кўриб, шу одамдан (Зафар Рўзиев назарда тутилмоқда — «Дарё» изоҳи) хафа бўлиб кетаман. На столба бор, на бир йўл. Ўша пайтда қўлида чексиз имконият бўлган. Қилса бўларди, лекин қилмаган. Одамлар содда бўлган, маза қилиб фойдаланган, — дейди Яккабоғ ҳокими.Ҳоким, шунингдек, Зафар Рўзиев туманга барча қариндошларини тиқиштирганини айтган.
Яккабоғга бир нарса керак — адолат. Яккабоғнинг раҳбари ер сотмаса, халқни алдамаса, яккабоғликлар раҳбарни бошига кўтаради. Буни бир йил ишлаб кўрдим, сезяпман, — деди туман ҳокими.Яккабоғ ҳокими шунингдек, дўстига туманда қилаётган ишлари ҳақида гапириб, имкон қадар туманга кўпроқ инвесторларни жалб қилиш ҳаракатида эканини билдирган.
Изоҳ (0)