Футбол бўйича U-20 Осиё кубоги саралаш босқичида Ўзбекистон ёшлар терма жамоаси Саудия Арабистони билан баҳс олиб борди.
Учрашув Ўзбекистоннинг 2:1 ҳисобидаги ғалабаси билан якунланди. Дастлаб 34-дақиқада Маҳмуд Жўрабоев ҳисобни очган бўлса, 85-дақиқада Фаҳад Алнемер мувозанатни тиклади. Ўйин сўнгида Риан Исламов пенальтидан унумли фойдаланиб, жамоасига ғалаба келтирди.
Ўзбекистон бундан олдинги саралаш босқичларида Мальдив устидан 7:0 ҳисобида, Мьянма устидан эса 3:0 ҳисобида зафар қучганди.
Эслатиб ўтамиз, U-20 Осиё Чемпионати 2023 йилда Ўзбекистонда бўлиб ўтади. Шунинг учун Ўзбекистоннинг саралашдаги кўрсатаётган натижалари таъсир кўрсатмайди.
U-20 Осиё Чемпионати
Саралаш босқичи
14 сентябрь, чоршанба
Саудия Арабистони — Ўзбекистон 1:2
Голлар: 0:1 — 34 Маҳмуд Жўрабоев, 1:1 — 85 Фаҳад Алнемер, 1:2 — 90 Риан Исламов (пенальти).Ўзбекистон U-19: Асрорбек Кенжаев, Жавоҳир Утамуродов, Миркомил Абдураззоқов, Суннатилла Поёнов, Шаҳзодбек Раҳматуллаев, Риан Исламов, Тоҳирбек Тўхтасинов, Маҳмуд Жўрабоев, Асадбек Жўрабоев, Мақсудхўжа Аълохўжаев, Рустамбек Фомин.
Изоҳ (0)