«Челси» раҳбари Тодд Боэли кўпроқ мухлисларни жалб қилиш учун Премер Лиганинг шимол ва жанубдаги клублари юлдузлари иштирокида ўйин ташкил қилишни истамоқда.
Америкалик тадбиркор Лондон клубини сотиб олгандан буён диққат марказда бўлиб келмоқда. Ёзда Раҳим Стерлинг, Калиду Кулибали ва Пьер-Эмерик Обамеянг каби футболчилар учун 260 минг фунт стерлинг сарфлади. Шундан кейин Томас Тухелни истеъфога чиқариб, унинг ўрнига Грем Поттерни олиб келди.
Энди эса Англия футболида ўзгариш қилишни режалаштирмоқда.
Тадбиркор мавсум сўнгидаги натижаларга кўра қуйи дивизионга тушиб кетиши муқаррар бўлган клублар ўртасида плей-офф ўйинлари, NBA (баскетбол) ва MLB (бейсбол) лигаларидаги каби юлдузлар ўртасидаги ўйинлар ташкил этиш таклифини берди.
Охир-оқибат Премер Лига Америка спортидан ўрнак олиб, тушунишни бошлайди: «Нега тўртта энг ёмон натижа қайд этган жамоалар ўртасидаги турнир ташкил этилмайди?» «Нега барча юлдузлар иштирокидаги ўйинлар йўқ?»Одамлар қўшимча пуллар ҳақида гапирмоқда… Лос-Анжелесдаги MLB юлдузлари иштирокидаги ўйин жорий йил 2 кунда 200 миллион доллар (173 миллион фунт стерлинг) даромад олиб келди.
Премер Лиганинг шимол ва жануб юлдузлари ўртасида баҳс ташкиллаштириб, осонгина қўшимча маблағга эга бўлиш мумкин.
Тодд Боэли, «Челси» хўжайини
Изоҳ (0)