Иқтисодий ривожланиш жараёнида давлатлар, ўз табиий ресурсларига кўра турли хилдаги тўсиқларга учрамоқда. Бундай вазиятда зарур соҳалар бўйича йиллар давомида тажриба йиғган мутахассислар маслаҳати ва кўмаги, ишлаб чиқариш соҳасига керакли йўл-йўриқларни кўрсатади.
«Дарё» билан суҳбатда Ўзбекистон Экологик қурилиш кенгаши асосчиси Темур Аҳмедов мамлакатда мана шундай кенгаш тузишга зарурат бор-йўқлиги ва у нималардан иборат экани ҳақида саволларга жавоб берди.
Оклаҳома штатидаги қатор тажрибалардан келиб чиқиб, халқаро эксперт энергетика соҳасидаги камчиликлар ҳақида гапирди.
Биринчидан, ҳозир қурилишлар кўп, янги бинолар қуриляпти. Агар иморат яхши қурилса 50—70—100 йил хизмат қилади. Муаммо билан қурилса ҳам шунча йил туради. Яъни сиз бино дизайнини энергия тежаб ишлайдиган қилмасангиз, ўша 100 йилда исроф қилиб ишлайди.«Мутахассисларни чақириб бинони қандай жойлаштирса тўғри бўлиши ҳақида маслаҳат қилиб, бунда ‘қуёш юриши’ ва яна бошқа самарали йўлларни топса бўлади», — дейди эксперт.Бино архитектураси чизилаётганда кўп нарсаларни тўғирласа бўлади. Қоғозда чизганда нарх нолга тенг, уни қайтадан чизишингиз, ўзгартиришингиз мумкин. Аммо бинони қуриб бўлгандан сўнг, уни алмаштириб бўлмайди. Шунинг учун ҳам илк қадамларни, бу фикрларни дизайнерлар ва архитекторлар билан олдиндан режа қилиш зарур.
Темур Аҳмедов, Ўзбекистон Экологик қурилиш кенгаши асосчиси
Иккинчидан, иқтисодиётнинг тез ривожланиши кўп энергия талаб қилади. Бу ҳолатда бор энергия станция етмаслиги мумкин. Мана бизнинг шароитда етмаяпти, гоҳо пайтлар чироқлар ўчиб қолади. Янги қурилаётган корхоналар сабабли, энергия тизимимиз кучи барчасига етмаяпти.Мутахассис бу муаммонинг ечими бир томондан эскирган тармоқларни янгилаш бўлса, иккинчи томони янги электр станциялар қуриш экани ҳақида гапирди. Бизда йилига 15—16 гигаватт энергия чиқарилади. Мақсад уни икки баробар кўпайтириш аслида, дея ўз фикрини баён қилди эксперт.Темур Аҳмедов, Ўзбекистон Экологик қурилиш кенгаши асосчиси
Ҳозирги шароитда энг самарали йўллардан яна бири корхоналар биносидаги энергия исрофини камайтириш.
«Тажрибамдан маълумки, ҳар қандай бинога борсам камида 20 фоиз исроф топилади. Бу умумий ҳажмда битта электр станция дегани», — дея бино қурилишида бўлаётган исрофгарчилик ҳақида гапирди.
Изоҳ (0)