Навоий вилояти Кармана тумани 6-сонли боғчада кўп сонли болалар оммавий заҳарлангани ҳақида хабарлар тарқалди. Вилоят прокуратураси ҳолат юзасидан терговга қадар текшириш ҳаракатлари олиб борилаётганини хабар берди.
Маълум қилинишича, 9 сентябрь куни соат 17:00 да Кармана туман тиббиёт бирлашмаси юқумли касалликлар бўлимига 10 нафар вояга етмаган бола умумий ҳолсизлик, қусиш ва ич кетиши каби клиник белгилар билан ётқизилган.
Ушбу белгилар бўйича беморларга туман тиббиёт бирлашмасига қарашли юқумли касалликлар бўлими томонидан ошқозон-ичак фаолияти бузилиши ташхиси қўйилиб, уларнинг 9 нафарига биринчи тез тиббий ёрдам кўрсатилган ва аҳволи қониқарли бўлгани сабабли касалхонадан чиқарилган (1 нафар бола бошқа касаллик аломатлари — ўткир респератор, юқори нафас йўлларининг шамоллаши ташхиси билан даволанмоқда).
Мазкур ҳолат юзасидан Кармана туман прокуратураси томонидан терговга қадар текшириш ҳаракатлари олиб борилаётган бўлиб, экспертиза текшируви учун тегишли намуналар олиниб, суд-тиббий экспертизаси тайинланган.
Изоҳ (0)