Uzbekistan Airways’нинг Тошкентдан Термизга учган самолёти Бухоро аэропортига йўналтирилди. Бу ҳақда «Новости Ташкентского неба» Telegram-канали хабар берди.
Маълум қилинишича, HY-065 йўловчи рейси Термиз аэропортидаги ноқулай об-ҳаво шароити — кучли шамол ва чанг бўрони туфайли Бухоро шаҳридаги захира аэропортга йўналтирилган. FlightRadar24 маълумотларига кўра, 11 сентябрь куни соат 7:40 да учган самолёт соат 9:00 да Бухоро аэропортига қўнган.
Эслатиб ўтамиз, «Ўзгидромет» 11 сентябрь куни Сурхондарё вилоятида шамол тезлиги 20-23 метр/секундга етиши мумкинлигини маълум қилганди.
Изоҳ (0)