«Бавария» Чемпионлар Лигаси 1-турида «Интер»ни 2:0 ҳисобида мағлуб этди.
Шу тариқа мюнхенликлар ЕЧЛ гуруҳ босқичи 1-турдаги ғалабали сериясини давом эттирди. «Бавария» 19 йилдан буён мусобақа стартини муваффақиятли бошлаб келмоқда. Шулардан 17 тасида ўз дарвозасидан гол ўтказмаган. Бу орқали немис клуби ўз рекордини яхшилаб олди.
Шунингдек, Юлиан Нагелсманн шогирдлари гуруҳ босқичидаги мағлубиятсиз сериясини яна биттага кўпайтирди.
Сўнгги бор «Бавария» 2017 йил гуруҳ босқичининг 2-турида «ПСЖ»га мағлуб бўлганди. Шундан буён немислар 26 та ғалаба ва 3 та дуранг натижа қайд этди. Қайд этиш жоиз, ушбу ўйинларнинг барчасида мюнхенликлар гол уришга муваффақ бўлган.
Изоҳ (0)