Ўзбекистонда мактаб дарсликлари ижараси доимий бепул бўлади. Бу ҳақда Халқ таълими вазирлиги ахборот хизмати хабар бермоқда.
Қайд этилишича, Президент администрацияси ҳузуридаги Ахборот ва оммавий коммуникациялар агентлигида Халқ таълими вазирлиги раҳбарияти ва масъул ходимлари иштирокида соҳа фаолияти билан боғлиқ кенг муҳокамаларга сабаб бўлаётган долзарб масалаларга бағишланган матбуот анжумани бўлиб ўтди.
Тадбир аввалида янги ўқув йили бошланиши муносабати билан вазирлик томонидан амалга оширилган ишлар ва келгуси режалар хусусида атрофлича маълумот бериб ўтилди. Қизғин ва турли мавзуларга бой бўлган анжуман давомида журналистларнинг халқ таълими тизими, жумладан, мактаб дарсликларини чоп этиш, уларнинг ижараси, электрон кундалик тизими ва бошқа муҳим саволларга мутасаддилар томонидан атрофлича жавоб берилди.
Таъкидланганидек, эндиликда мактаб дарсликларининг ижара тўловлари доимий равишда бепул бўлади ва айни дамда бунинг механизми ишлаб чиқилиши бўйича давлат раҳбари томонидан топшириқ олинган.
Тадбир давомида таълим сифатини ошириш, ўқитувчиларни ижтимоий қўллаб-қувватлаш ва малакасини оширишга доир қатор муҳим масалалар юзасидан иштирокчилар саволларига жавоб берилди.
Мавзуга доир:
- Ўзбекистонда мактаб дарсликлари фақат жорий ўқув йилида бепул бўлади
- Комил Алламжонов мактаб дарсликлари бўйича муаммо ва ечимлар ҳақида мурожаатлар йўллашни сўради
- Дарсликлар нашр этишда коррупцион схемаларга йўл қўймаслик шарт: Президент администрацияси бошчилигида дарсликлар тўлиқ текширувдан ўтказилади
- Мактаб дарсликлари ижараси бепул бўлади: президент бу бўйича топшириқ берди
- «Китобларни пулли ижарага бериш конституцияга зид деб ҳисоблаймиз» — Расул Кушербаев
- «Охирги 3 йилда кўпчиликнинг думини босиб қўйдик» – мактаб дарсликларининг ижара нархларини кескин ортиши тармоқларда муҳокамаларга сабаб бўлмоқда
- Ўзбекистонда мактаб дарсликлари ижараси учун нарх 108 фоизга ошди. ХТВ ҳолатга тушунтириш берди
Изоҳ (0)