Баъзи ижтимоий тармоқларда «Ресурс Капитал» ташкилоти томонидан фуқаролар Россияга ишга жўнатилиши ҳақида эълонлар берилмоқда. Ташқи меҳнат миграцияси агентлиги ҳолат юзасидан огоҳлантириш эълон қилди.
Таъкидланишича, фуқароларни хорижга ишга жўнатиш, Ўзбекистон қонунчилигига мувофиқ, лицензияли фаолият ҳисобланади.
Ушбу ташкилот эса фуқароларни хорижга ишга жўнатиш учун лицензия олмаган ва Ташқи меҳнат миграцияси агентлигига фуқаролардан ушбу ташкилот устидан кўплаб шикоятлар келмоқда.
Юқоридагиларни инобатга олиб, «Ресурс Капитал» ташкилоти фаолияти ноқонунийлигини эслатиб ўтамиз. Шу билан бирга, ижтимоий тармоқ админларидан бу хизмат билан ноқонуний шуғулланаётган ташкилотлар тўғрисидаги маълумотларни эълон қилишда қонунчиликка риоя қилишни, фуқаролардан эса фирибгарлик қурбонига айланиб қолмасликни сўраймиз, — дейилади хабарда.
Изоҳ (0)