«Дарё» кўпчиликка қизиғ-у, лекин сирлари кўп борт кузатувчиларининг осмондаги ҳаёти, парвоз машаққатлари ҳақида батафсил маълумот берган эди. Таҳририятимизга жўнатилган кўплаб мурожаат ва саволлар навбатдаги мавзуда материал тайёрлашга сабаб бўлди.
Ўқув-машқ маркази авиация ходимларини тайёрлаш ва қайта тайёрлаш бўйича асосий ўқув муассасаси ҳисобланади. Ушбу марказ учувчи ҳамда борт кузатувчилари, шунингдек, парвозларни бошқариш марказлари ва парвозларнинг аэронавигация таъминоти хизматлари учун ходимларни дастлабки тайёрловни амалга оширади. Ўқув-машқ маркази замонавий тренажёр комплексларига эга бўлиб, машғулотлар махсус функцияли тренажёрларда ҳафтасига 7 кун, суткасига 24 соат ўтказилади. Танловдан ўтган ўқувчилар гуруҳларга бўлиниб, 1-1,5 ой мобайнида машғулотлар ўтайди. Соҳага қизиққан исталган киши ўз устида кўпроқ ишлаб, дарсларни яхши ўзлаштирсагина, борт кузатувчиси бўла олади.
Дарсларда инглиз ва ўзбек тили каби назарий билимлар билан биргаликда амалий машғулотлар ҳам ўтилади. Ўқувчилар фавқулодда вазиятларда йўловчиларни қутқаришни, авария ҳолатларида самолётда ёнғин чиқса, уни қандай тўғри бартараф этишни ўрганишади.
Видеонинг тўлиқ вариантини «Дарё»нинг YouTube’даги саҳифаси орқали томоша қилишингиз мумкин.
Севара Мирзараҳимова суҳбатлашди.
Тасвирчи ва монтажчи – Дилруҳ Исомиддинова, Маъмуржон Обраҳматов.
Изоҳ (0)