Яхшиликни ҳар ким, ҳар кун қилиши керак, дейди доно халқимиз. ERIELL Group компанияси ана шунга амал қилиб, 30 август куни Ўзбекистон Республикаси Мустақиллиги куни арафасида Тошкент вилояти «Кичкинтой» болалар уйида хайрия акциясини ўтказди.
Ушбу муассасада етти ёшгача бўлган 45 нафар болалар, жумладан, бир ёшга ҳам тўлмаган гўдаклар тарбияланади. Ҳар бир бола меҳр ва эътиборга муҳтож бўлади, шу боис, ота-она парваришидан маҳрум бўлган болаларни ёлғизлатмаслик керак. алар уйининг асосий вазифаси бу ердаги тарбияланувчиларнинг оилавий қадриятлар ва анъаналардан хабардор бўлишини таъминлашдир.
Болаларнинг қулай шарт-шароитларда яшаб, улғайишлари учун ERIELL Group томонидан бино тўлиқ таъмирланди: яшаш шароитлари яхшиланиб, қўшимча қулайликлар яратилди. Таъмирлаш чоғида хавфсизлик масаласига, мебеллар, техника, эшик ва деразаларни алмаштиришга алоҳида эътибор қаратилди, хўжалик бинолари таъмирдан чиқди, бинонинг ташқи қиёфаси янгиланди, хоналарни безатиш ишлари амалга оширилди. Булар «Кичкинтой» Болалар уйи тарбияланувчиларига катталарнинг алоҳида эътибори ва ғамхўрлигини ҳис қилишига ёрдам беради.
Муассаса директори Тоҳира Исмоилова 25 йилдан буён тарбияланувчиларга оналик қилиб келмоқда. Тоҳира Исмоилованинг бу хизматлари алоҳида қадрланиб, у биринчи даражали «Соғлом авлод учун» ордени ва «Шуҳрат» медали билан тақдирланди.
«Давлатга қарашли муассасамизда ота-она қарамоғидан маҳрум бўлган болалар тарбияланади. Бу ерда меҳнат қилаётган тарбиячилар болаларнинг энг яқин ва қадрдон кишиларидир», — дейди Тоҳира Исмоилова. Таъмирдан чиққан Болалар уйининг очилиши муносабати билан ташкил қилинган тадбир тарбияланувчиларимиз учун ажойиб байрам туҳфаси ҳол бўлди.
Болажонларни табриклаш ва кайфиятларини кўтариш мақсадида севимли мультфильм қаҳрамонлари ташриф буюриб, турли ўйин-кулгулар уюштирилди. Ажойиб совғалар ҳам болажонларга учун байрамона кайфият улашди, хусусан, ERIELL Group ва Энергетика вазирлиги ҳамкорлигида чоп этилган шерча Лео ҳақидаги китобча шулар жумласидандир.
ERIELL Group вакиллари улашган хуш кайфият болажонлар ҳаётидаги унутилмас воқеалардан бўлди. Chinaкам оилавий муҳит, мазали палов, ширинликларга тўла байрам дастурхони барчанинг ёдида муҳрланиб қолиши шубҳасиз.
ERIELL Group компанияси томонидан кўрсатилаётган ғамхўрлик учун миннатдормиз. Бу ерда тарбияланаётган ҳар бир бола биз учун қадрдон. Тўғри, ҳеч ким онанинг ўрнини боса олмайди, бироқ биз қўлимиздан келганча болажонларимизга меҳр улашишга ҳаракат қиламиз», - дейди Болалар уйи директори Тоҳира Исмоилова.
Сўзимиз якунида шуни айтмоқчимизки, «Кичкинтой» болалар уйи тарбияланувчилари учун бу маскан – уларнинг болалиги ўтадиган қадрдон уйдир. Умид қиламизки, ушбу акция туфайли, ширин сўз ва оилавий муҳитга муҳтож бу гўдакларнинг эртанги кунга бўлган ишончи янада ошади, уларнинг бу масканда ўтган болалиги меҳрибонлик ва саҳоват даври сифатида ёдида қолади.
ERIELL Group «Эзгулик улашинг» лойиҳаси доирасида хайрия тадбирларини ўтказишни давом эттиради. Болалар ва алоҳида ғамхўрликка муҳтожлар учун ихтисослашган муассасаларга эътибор қаратади. ERIELL Group Ўзбекистон фуқароларини Мустақиллик куни билан табриклайди, сиз ва яқинларингизга бахт-саодат, мустаҳкам соғлик ва фаровонлик тилайди!
Реклама ҳуқуқи асосида.
Изоҳ (0)