Торт, трайфл ва чизкейк: суви қочган печеньелардан нима тайёрлаш мумкин?

Вақтида билан истеъмол қилинмаган печеньенинг суви қочади, қаттиқ ва мазасиз бўлиб қолади. Аммо уни ташлашга шошилмаслик керак. Чунки унинг ёрдамида мазали ширинликлар тайёрлаш мумкин, деб ёзади «Новий очаг».

Лимон ва қулупнайли торт

Керакли маҳсулотлар:

• майдаланган печенье — 2 стакан;
• эритилган сариёғ — 3/4 стакан;
• лимонли печенье — 1,5 пакет;
• сут — 1 стакан;
• кўпиртирилган қаймоқ — 220 грамм;
• қулупнай — 450 грамм.

1. Торт учун идиш тайёрланади ва сариёғ суртилади.
2. Майдаланган печенье эритилган сариёғ билан аралаштирилади. Аралашмани қолипнинг пастки ва ён томонларига ёйиб, бармоқлар билан босилади.
3. Чуқур пиёлага сут қуйилади. Лимонли печеньелар сутга ботирилиб, қолипдаги майдаланган печеньелар устидан бир қатор териб чиқилади.
4. Кўпиртирилган қаймоқнинг ярми печенье устидан бир текисда ёйиб чиқилади.
5. Резаворларнинг ярми кесилиб, крем устига жойлаштирилади.
6. Устидан яна сутга ботирилган печеньелар териб чиқилади.
7. Кейин яна крем ва қулупнай қатлами билан тугатилади.
8. Сўнгра торт 8 соатга музлаткичга қўйилади.

Керакли маҳсулотлар:

• печенье — 400 грамм;
• сариёғ — 50 грамм;
• қуюлтирилган сут — 100 грамм;
• қуруқ сут — 200 грамм;
• какао — 3 ош қошиқ.

1. Печеньелар майдаланади.
2. Ёғ ва қуюлтирилган сутни силлиқ бўлгунча иситилади. Оз-оздан қуруқ сут қўшилади ва аралаштирилади.
3. Сут аралашмасига печенье қўшилади ва яхшилаб аралаштирилади.
4. Аралашмадан думалоқ тўпчалар ясалиб, какаога ботирилади.
5. Дастурхонга тортишдан аввал музлаткичга бирозга қўйилади.

Керакли маҳсулотлар:

• майдаланган печенье — 1 стакан;
• қаймоқли пишлоқ — 500 грамм;
• эритилган оқ шоколад — 200 грамм;
• шакар упаси — 1 стакан;
• кўпиртирилган қаймоқ — 3 стакан;
• янги малина — 300 грамм.

1. Олдиндан тайёрланган печенье бўлаклари қолипнинг пастки қисмига қўйилади.
2. Устидан икки чой қошиқ эритилган шоколад қуйилади. Янги малинанинг бир қисми тенг равишда ёйиб чиқилади. Яна 2-3 ош қошиқ эритилган шоколад қуйилади.
3. Қолип крем пишлоқдан тайёрланган крем билан тўлдирилиб, юзаси текисланади.
4. Тортнинг юқори қисми янги малина ва қолган шоколад билан безатилади.
5. Чизкейк музлаткичга камида бир соатга қўйилади.

Керакли маҳсулотлар

• печенье — 40 грамм;
• олма — 30 грамм;
• нок — 40 грамм;
• ёнғоқ пастаси — 2 ош қошиқ;
• ёнғоқ — 15 грамм;
• апельсин — 5 грамм;
• безатиш учун ялпиз.

1. Олма ва нок тозаланиб, тўртбурчак шаклида кесиб олинади. Майдаланган печеньелар махсус десерт идишига солинади.
2. Устидан бир ош қошиқ эритилган ёнғоқ пастаси солинади.
3. Устидан мева бўлаклари ва паста солинади.
4. Десерт усти ёнғоқ ва апельсин билан безатилади ва камида 30 дақиқага музлаткичга қўйилади.

Керакли маҳсулотлар:

• печенье — 200 грамм;
• сариёғ — 40 грамм;
• банан — 2 дона;
• киви — 4 дона;
• желатин — 4 ош қошиқ;
• қайнатилган сув — 0,5 стакан;
• йогурт — 500 мл;
• шакар — 70 грамм;
• лимон шарбати — 1 ош қошиқ;
• киви (безатиш учун) — 2 дона.

1. Майдаланган печеньеларни юмшоқ сариёғ билан силлиқ бўлгунча аралаштирилади. Қолипнинг пастки қисмига жойлаштирилиб, 30 дақиқа давомида музлаткичга қўйилади.
2. Желатинга ярим стакан илиқ сув қуйилиб, 30 дақиқага қолдирилади. Киви тўртбурчак шаклда тўғралиб, идишга солинади, лимон шарбати ва шакар қўшилади. 2-3 дақиқа давомида паст оловда қиздирилади ва совитишга қўйилади.
3. Тайёр бўлган мева аралашмасига желатин ва йогурт қўшилади.
4. Печенье музлаткичдан олинади ва устига банан бўлаклари териб чиқилади.
5. Банан устидан йогурт аралашмаси қуйилади ва музлаткичга 30-40 дақиқага қўйилади.
6. Дастурхонга тортишдан аввал киви билан безатилади.