Қийма, қайнатилган гуруч ва пишлоқ қўшилган қовоқчали таом рецепти

Ушбу таом иштаҳани очувчи кўринишга эга. Уни янада мазали қилиш учун булғор қалампири ва қўзиқорин қўшишингиз мумкин.

Керакли масаллиқлар:

• пиёз — 1 дона
• сабзи — 1 дона
• ўсимлик ёғи — 2 қошиқ ва мойлаш учун
• қийма — 200-250 гр
• қайнатилган гуруч — 3-4 қошиқ
• туз — таъбга кўра
• мурч — таъбга кўра
• қовоқча — 2 дона
• пишлоқ — 70-100 гр
• кўкатлар — таъбга кўра
• булғор қалампири — таъбга кўра
• қўзиқорин — таъбга кўра

1. Пиёзни майда бўлакларга бўлинг. Сабзини қирғичдан ўтказинг. Булғор қалампири ва қўзиқоринларни ҳам майдалаб олинг.
2. Ўсимлик ёғини ўртача оловда товада қиздириб олинг. Майдаланган маҳсулотларни юмшоқ бўлгунга қадар бир неча дақиқа қовуринг.
3. Қовурилган қиймани қайнатилган гуруч билан аралаштиринг. Унга туз ва мурч қўшинг.
4. Қовоқчани ўртасидан бўлиб, ҳалқасимон шаклда кесиб олинг.
5. Маҳсулотлар пишириладиган идишни ёғланг. Унга қовоқчанинг бўлакларини теринг ва ҳар бир бўлак устига гуруч, сабзавотларнинг қийма билан аралашмасини солинг.
6. Қовоқчаларни тахминан 25 дақиқа давомида 180 даража ҳароратда пиширинг. Сабзавотлар ва қийма пишишидан 5-10 дақиқа олдин майдаланган пишлоқ сепинг.
7. Таомни дастурхонга тортишдан олдин кўкатлар билан безанг.

Мавзуга доир:

• Мазаси оғизда қоладиган творогли шарлотка рецепти.
• Осон ва тез тайёрланадиган йогуртли суфле рецепти
• Творог ва малина қўшиб тайёрланадиган мазали запеканка рецепти
• Қуюлтирилган сутли хамири қат-қат рогалик рецепти