Қийма ва томат пастаси қўшиб тайёрланадиган мазали вермишелли шўрва рецепти

Сабзавотлар ва қуритилган ялпиз қўшилган ёқимли таъмга эга шўрва тез ва осон тайёрланади. Унга ўзингизга ёққан кўкатларни ҳам қўшишингиз мумкин.

Керакли масаллиқлар:

• булғор қалампири — 1 дона
• пиёз — 1 дона
• помидор — 1-2 дона 
• саримсоқ — 1 донача
• ўсимлик ёғи — 2 қошиқ
• мол гўшти қиймаси
• томат пастаси — 3-4 қошиқ
• сув — 1200-1400 мл
• вермишел — 50-60 г
• туз — таъбга кўра
• қуритилган ялпиз — 1 қошиқ

1. Булғор қалампири ва пиёзни майда қилиб тўғранг, помидорни эса ўртача катталикда кесиб олинг. Саримсоқни ҳам майдаланг.
2. Ўсимлик ёғини ўртача оловда товада қиздиринг. Булғор қалампири, пиёзни юмшоқ бўлгунга қадар қовуринг, устига саримсоқ қўшинг ва яна ярим дақиқа давомида пиширинг.
3. Унинг устига қиймани қўшинг ва 4-5 дақиқа давомида қовуринг. Барча маҳсулотларни аралаштиринг ва қийманинг катта бўлакларини майдаланг. Шўрва учун ёғли бўлмаган қиймани танлаган маъқул.
4. Унга томат пастасини қўшинг ва бир ярим дақиқадан сўнг помидор солинг. Яна 3-5 дақиқа давомида пиширинг.
5. Қовурилаётган маҳсулотларнинг устига сув солинг, қайнагандан кейин вермишел қўшинг. Сўнгра тахминан 5 дақиқа давомида ўртача оловда пиширинг.
6. Шўрвага туз, қуритилган ялпиз солинг ва аралаштиринг, бироздан кейин шўрвани тановвул қилинг.

Мавзуга доир:

• Помидор, бақлажон ва пишлоқ қўшиб тайёрланадиган макаронли таом рецепти.
• Бақлажон, помидор ва мол гўшти қўшиб пишириладиган хуштаъм таом рецепти
• Пишлоқ ва помидор билан тўлдирилган қовоқчали таом рецепти
• Қовоқча ва саримсоқ пиёздан тайёрланадиган хуштаъм егулик рецепти