Ижтимоий тармоқлар орқали Тошкент шаҳрида қайта очилган Миллий боғ ҳудудидаги дарахтларга шикаст етказилгани юзасидан хабарлар эълон қилинди. Давлат экология қўмитаси буни тасдиқлади.
Қўмита матбуот хизматининг маълум қилишича, ушбу ҳолат юзасидан ишчи гуруҳ тузилиб, Тошкент шаҳар Экология бошқармаси масъуллари ва мутахассислари, оммавий ахборот воситалари ходимлари, блогерлар, боғ мутасаддилари иштирокида жойига чиқиб тезкор ўрганилди.
Ўрганишлар давомида ҳудуддаги мавжуд дарахтлар хатловдан ўтказилганда уларнинг айримларига қурилиш-таъмирлаш ишлари натижасида қисман шикаст етказилгани аниқланди.
Шундан сўнг қўмита ҳузуридаги Атроф-муҳит ва табиатни муҳофаза қилиш технологиялари илмий-тадқиқот институти ва Ботаника институти илмий ходимлари жалб этилиб, дарахтларни парвариш қилиш ишларини ташкил этиш бўйича тавсиялар берилган.
Айни пайтда Давлат экология қўмитаси ходимлари томонидан ҳудуддаги қисман шикастланган дарахтларни агротехник тадбирлар асосида парваришлаш ишлари давом эттирилмоқда.
Изоҳ (0)