2022 йил 29 август куни Адлия вазирлиги томонидан мустақилликнинг 31 йиллигига бағишлаб «Янги Ўзбекистонда эл азиз, инсон азиз» шиори остида аҳолининг ҳуқуқий онги ва ҳуқуқий маданиятини юксалтиришга ҳамда қонунийликни мустаҳкамлашга бағишланган «Адлия халқ орасида» номли ҳуқуқий фестиваль илк маротаба ўтказилди.
Тошкент марказий Эко боғида ташкил этилган ушбу тадбирда Адлия вазирлиги масъуллари, адлия органлари ходимлари, Оммавий ахборот воситалари вакиллари ҳамда кўплаб фуқаролар иштирок этишди.
Адлия вазирлиги масъули фестивални кириш сўзи билан очиб берди. Шундан сўнг тадбирнинг асосий қисми бошланди.
Фестиваль «Эко боғ»га ҳордиқ олиш мақсадида келган фуқаролар учун чинакам байрамга айланди. Тадбирга таклиф этилган эстрада хонандалари ижросидаги куй-қўшиқлар йиғилганларга кўтаринки кайфият бағишлади. Энг асосийси юртдошларимиз ўзларининг ҳуқуқий билим даражаларини синовдан ўтказишди.
Фестивальда «Ҳуқуқий маслаҳат» акцияси доирасида Тошкент шаҳар адлия бошқармаси ходимлари, нотариуслар, адвокатлар ҳамда юридик хизмат кўрсатиш марказлари, ФҲДЁ ва давлат хизматлари марказлари, «Мадад» ННТ ходимлари томонидан фуқароларга бепул ҳуқуқий маслаҳатлар берилди.
Шунингдек, тадбир давомида «Адолат» миллий ҳуқуқий ахборот маркази томонидан нашр этилган китоблар ва ногиронлиги бўлган шахслар томонидан яратилган маҳсулотлар ярмаркаси ташкил этилди.
Изоҳ (0)