Нозим Холмуродов инвестициялар ва ташқи савдо вазирининг биринчи ўринбосари лавозимига тайинланди. Бу ҳақда ЎзА хабар бермоқда.
Тайинловга қадар у Бухоро вилояти ҳокимининг биринчи ўринбосари лавозимида фаолият юритган.
Маълумот учун, Холмуродов Нозим Қосимович 1977 йил Бухоро вилояти Қоракўл туманида туғилган. 1995 йилда Туркиядаги Гази университетини ва 2005 йилда Президент ҳузуридаги Давлат ва жамият қурилиши академияси қошидаги Олий бизнес мактабини тамомлаган. Мутахассилиги — иқтисодчи-статист.
Олдинроқ Нозим Холмуродов Туризмни ривожлантириш давлат қўмитаси ҳудудларнинг туризм салоҳиятини ривожлантиришни мувофиқлаштириш бошқармаси бошлиғи лавозимида ҳам фаолият юритган.
Мавзуга доир: Жамшид Хўжаев инвестициялар ва ташқи савдо вазири лавозимига тайинланди
Изоҳ (0)