Кўз микрохирургияси маркази мутахассислари Қашқадарё вилоятида юздан ортиқ юқори технологияли операцияни амалга оширди. Бу ҳақда Соғлиқни сақлаш вазирлиги матбуот хизмати хабар бермоқда.
Республика ихтисослаштирилган кўз микрохирургияси илмий-амалий тиббиёт маркази Қашқадарё вилоят филиалида малакали мутахассислар томонидан юқори технологияли жарроҳлик амалиётлари ўтказиб келинмоқда. Давлат тиббий суғурта жамғармаси билан биргаликда амалга оширилаётган бундай операциялар сони юзтадан ошган.
Куни кеча пойтахтлик малакали хирурглар томонидан вилоятда замонавий факоэмулсификатор ускунаси ёрдамида 16 та юқори технологияли операция ўтказилди, 50 нафардан ортиқ беморга зарур тиббий маслаҳатлар берилди.
Давлат ҳисобидан ўтказилган ушбу амалиётлар мустақилликнинг 31 йиллиги байрами арафасида беморлар ва уларнинг яқинларига қувонч улашиши шубҳасиз, — дейилади вазирлик хабарида.
Изоҳ (0)