Президент Шавкат Мирзиёевнинг қатор фармонларига мувофиқ, Ўзбекистон мустақиллигининг 31 йиллиги муносабати билан кўплаб ўзбекистонликлар фахрий унвонлар, орден ва медаллар билан тақдирланган эди.
Бугун, 30 август куни Кўксаройда ушбу мукофотларни топшириш маросими бўлди, деб хабар бермоқда «Дарё» мухбири.
Президент Шавкат Мирзиёев йиғилганларни аввало Мустақиллик байрами билан табриклади.
«Биз таҳликали замонда яшаяпмиз. Шу замонда биз ўзимизнинг манфаатимизни ўйлаб, ўзимиз учун ҳаракат қиляпмиз. Биз яккаю-ягона тўғри йўлимиз — халқимизнинг манфаатимизни кўзлаб ишларни олиб боряпмиз. Бизга ҳеч ким четдан келиб ёрдам бермайди», — деди давлат раҳбари.
Шавкат Мирзиёев ўтган ҳафта Самарқандда очилган туризм маркази, кеча Урганчда очилган Жалолиддин Мангуберди ҳайкалини очиш — ўзлигимизни янада чуқурроқ англашга ёрдам беришини айтди.
«Хабарингиз бор, турли соҳа ва тармоқларда барчага ибрат ва намуна бўлиб меҳнат қилаётган бир гуруҳ юртдошларимиз давлатимизнинг юксак мукофотлари билан тақдирландилар. Анъанага мувофиқ, бугун сизларга мана шу фахрли унвон, орден ва медалларни топшириш учун йиғилдик. Давлатимизнинг олий мукофотларини сиз азизларга – ўз эгаларига топшириш мен учун ҳақиқатан ҳам катта шарафдир», — дея қўшимча қилди давлат раҳбари.
Изоҳ (0)