Россиянинг Красноярск шаҳрида мажбурий меҳнатга жалб қилинган ўзбекистонлик эркакка ёрдам кўрсатилди. Бу ҳақда Ташқи меҳнат миграцияси агентлиги хабар берди.
Маълум қилинишича, фуқаро Ў.О. 2021 йилнинг декабрида Россиянинг Красноярск шаҳрига танишининг таклифи билан ишлаш мақсадида кетган. Таниши уни кўмир цехига ишга жойлаштириб, фуқаролик паспортини олиб қўйган ва мажбурий ишлатган.
Шундан сўнг, мураккаб молиявий аҳволга тушиб қолган О.Ў. Ташқи меҳнат миграцияси агентлиги ваколатхонасига мурожаат қилиб, ҳужжатларини олишда, Ўзбекистонга қайтаришда амалий ёрдам сўраган. Мурожаат ўрганилиб, унга паспорти олиб берилган.
Шунингдек, Хорижда меҳнат фаолиятини амалга оширувчи фуқароларни қўллаб-қувватлаш ҳамда уларнинг ҳуқуқ ва манфаатларини ҳимоя қилиш жамғармаси ҳисобидан Красноярск—Наманган йўналишидаги авиарейсга чипта олиб берилган бўлиб, 31 август куни Ўзбекистонга қайтади.
Изоҳ (0)