Буюк Британияда газ ва электр нархининг ошиши бутун мамлакат бўйлаб минглаб пабларнинг ёпилишига олиб келиши мумкин. Бу ҳақда Daily Mirror газетасига таяниб «ТАСС» хабар берди.
Пандемия билан боғлиқ мисли кўрилмаган муаммоларга дуч келган паблар ва пиво заводлари ўзларига боғлиқ бўлмаган ҳолатлар туфайли яна бир бор жиддий хавфга дуч келмоқда. Электр таърифлари бизнеснинг йирик банкротлигига ва бутун мамлакат бўйлаб минглаб пабларнинг йўқолишига олиб келиши билан таҳдид қилмоқда, — дейди Аустелл пиво заводи бош ижрочи директори Кевин Георгелл Daily Mirror газетасига.
The Morning Advertiser тадқиқотига кўра, ҳар еттита пабдан бири коммунал тўловлар ошиши сабабли қишгача бутунлай ёпилиши мумкин.
Sky News телеканали Ipsos социологик хизмати томонидан ўтказилган ижтимоий сўров натижаларига таяниб, Буюк Британия аҳолисининг тахминан учдан бир қисми электр энергияси учун тўловларни тўлашда қийналаётганини маълум қилди.
Буюк Британиянинг газ ва электр энергияси бозори бошқармаси (Офгем) электр энергияси учун ўртача йиллик тўлов 1 октябрдан бошлаб 80 фоизга ошиб, рекорд даражадаги 3549 фунт стерлингга (4,2 минг доллар) етишини эълон қилди.
Март ойида Лондонда жойлашган Иқтисодиёт ва бизнес тадқиқотлари маркази Буюк Британия 1950 йиллардан бери турмуш даражасининг энг ёмон пасайишига дучор бўлиш хавфи борлиги ҳақида огоҳлантирувчи ҳисобот эълон қилди.
Изоҳ (0)