Тошкент шаҳар Мирзо Улуғбек туманидаги ҳовли кимошди савдосида сотилди. Маълумотлар «E-auksion» порталида эълон қилинган.
Аукцион ғолиби сифатида устав фонди 950 млн сўм бўлган Project Implementation компанияси кўрсатилган.
Лот аукционга фуқаролик ишлари бўйича суд ҳукми билан Мирзо Улуғбек туман МИБ томонидан жойлаштирилган эди. Ушбу 2 қаватли уй 6 хонадан иборат.
Ер участкасининг умумий майдони — 0,11 гектар. Бинонинг майдони — 456 квадрат метр. Ҳовлида газ, сув, электр таъминоти ва канализация тизими мавжуд.
Аукционга қўйилган ҳовлининг бошланғич баҳоси — 4,1 млрд сўм эди. Аризалар 29 август 09:00 га қадар қабул қилинди. Савдолар худди шу куни 10:00 да бошланиб, 12:12 да тугади. Ҳовли 4,2 млрд сўмга сотилди.
Аввалроқ Тошкент вилоятидаги «Пирамида» дам олиш маскани 208 млрд сўмга сотилган эди.
Изоҳ (0)