Олий таълим муассасаларига ўқишга кирган талабалардан СТИР (ИНН) талаб этилмайди. Бу ҳақда Давлат солиқ қўмитаси хабар қилди.
Қайд этилишича, ижтимоий тармоқлар орқали ўқишга кирган талабалардан талаб қилинадиган ҳужжатлар рўйхати эълон қилинган бўлиб унда СТИР ҳам кўрсатилган. Натижада СТИР рақами мавжуд бўлмаган шахслар ёки уларнинг яқинлари томонидан солиқ органларига телефон орқали ёки шахсан бориб СТИР сўраш ҳолатлари учрамоқда.
«Шу муносабат билан эслатиб ўтамиз, 2021 йил 1 июлдан бошлаб давлат солиқ хизмати органларида жисмоний шахсларнинг ҳисобини юритиш жисмоний шахснинг шахсий идентификация рақами (ЖШШИР)дан фойдаланган ҳолда амалга оширилмоқда.
Шунга асосан, 2021 йил 1 июлдан бошлаб жисмоний шахсларга солиқ тўловчининг идентификация рақами (СТИР)ни бериш бўйича давлат хизматини кўрсатиш тўхтатилган.
Барча ОТМлардан талабаликка тавсия этилган шахслардан СТИР талаб қилмаслик сўралади», — дейилади хабарда.
Изоҳ (0)