Дам олиш кунлари бироз иссиқ об-ҳаво бўлиши кутилмоқда, деб хабар бермоқда «Ўзгидромет».
Қайд этилишича, 26 август, жума куни Ўзбекистон бўйича қуруқ об-ҳаво сақланиб туради, фақат Наманган ва Фарғона вилоятларининг тоғолди ва тоғли ҳудудларида баъзи жойларда қисқа муддатли ёмғир ёғиши, момақалдироқ бўлиши мумкин.
Момақалдироқ пайтида шамол 15-20 метр/секундгача кучаяди. Ҳарорат фони ушбу куннинг меъёрий қийматларига яқин бўлади ва 32-35 даражани ташкил этади.
Дам олиш кунлари қуруқ ва бироз иссиқ об-ҳаво сақланиб туради. Ҳаво ҳарорати кечалари 14-17 даража, кундуз кунлари 33-35 даражани ташкил этади.
Изоҳ (0)