Тошкент—Самара—Тошкент йўналишида қўшимча поезд қатновлари йўлга қўйилади

Тошкент—Самара—Тошкент йўналишида 5/6-сонли Халқаро йўловчи поездларининг қўшимча қатновлари йўлга қўйилади.

Хорижий давлатларга бориш истагида бўлган йўловчиларнинг мурожаатларини ўрганиб чиққан ҳолда, йўловчиларга янада кўпроқ транспорт хизматларини кўрсатиш мақсадида 2022 йил 1 октябрдан ҳафтанинг шанба кунлари Тошкент—Самара—Тошкент йўналишида 5/6 сонли қўшимча йўловчи поездлар қатнови йўлга қўйилади.

Эслатиб ўтамиз, 2 йил-у 3 ойдан сўнг илк бора 2022 йил 23 июндан Тошкент—Самара—Тошкент йўналишда йўловчи поездлар қатнови қайта тикланган эди.

1 октябрдан бошлаб ушбу халқаро йўналишга Ўзбекистондан ҳафтада икки маротаба йўловчи поездлар қатнови амалга оширилади.