Шавкат Мирзиёев айни вақтда Жўқорғи Кенгесининг навбатдан ташқари 34-сессиясида иштирок этмоқда.
Унда Аманбай Оринбаев Қорақалпоғистон Республикаси Жўқорғи Кенгеси раиси лавозимига тасдиқланди. Бу ҳақда ЎзА хабар берди.
Бунга қадар Аманбай Оринбаев Қорақалпоғистон Республикаси Вазирлар Кенгаши Раисининг Экология ва Оролбўйи ҳудудларини ривожлантириш масалалари бўйича биринчи ўринбосари, Қорақалпоғистон Республикаси ички ишлар вазири лавозимларида фаолият юритган.
Оринбаев куни кеча Жўқорғи кенгеснинг бўшаб қолган депутатлик ўринларига бўлиб ўтган сайловда ғалаба қозониб, депутат сифатида рўйхатга олинганди.
Аввалроқ, Жўқорғи Кенгес раиси Мурат Камаловнинг бетоблиги сабабли ваколат муддатини олдиндан тўхтатиш ва эгаллаб турган лавозимидан озод этиш ҳақидаги мурожаати кўриб чиқилган ҳамда лавозимидан озод этиш тўғрисида қарор қабул қилинганди.
Маълумот учун, Мурат Камалов ушбу лавозимида 2020 йилнинг октябр ойидан буён фаолият юритиб келаётганди.
Изоҳ (0)