Кальций организм ҳужайраларини қуришда иштирок этадиган асосий элементдир. Юрак, тиш, суяк, соч, тирноқ ва бошқа аъзоларнинг соғлиғи унинг миқдорига боғлиқ. Бу элементнинг даражасини ҳамиша назорат қилиш керак. Wday нашри кальций ва магний қабул қилишда фойдали бўлган шифокор маслаҳати билан бўлишди.
Кальцийни қачон қабул қилиш керак?
Кальцийни қабул қилишни бошлашдан олдин шифокор билан маслаҳатлашиш лозим. Ўзбошимчалик билан даволаниш тўғри келмайди, чунки бу элементнинг ортиқчаси иштаҳанинг йўқолиши, жигар ва буйракларнинг ёмонлашиши, кўнгил айниши ва қайт қилишга олиб келиши мумкин.
Шифокорлар кальцийни овқатдан кейин кечқурун ичишни тавсия қилади. Бу оддий маслаҳат эмас, ҳамма нарсани илм-фан исботлайди. Олимлар инсон организмининг биологик ритми бўйича тадқиқот ўтказди. Маълум бўлишича, кундузи организм кальцийни минимал миқдорда, кечаси эса максимал даражада қабул қилади. Ушбу кимёвий элементнинг етишмаслигида организм кальцийни суяк тўқимасидан олади, бу эса бўғимлар билан боғлиқ муаммоларга олиб келади.
Кальцийни қандай қабул қилиш керак?
Шифокорлар кальцийни ўзини қабул қилиш етарли эмаслигига амин. Бу элемент D витамини билан бирга синтез қилинмаса, у организмда сўрилмайди. Лекин шуни таъкидлаш жоизки, D витаминини ўз ичига олган маҳсулотлар кальций препаратларини қабул қилишдан 4 соат олдин истеъмол қилиниши керак. Кальций таблеткалари ушбу элементни ўз ичига олган озиқ-овқат билан бирга ичилиши мумкин. Бундай маҳсулотларга қуйидагилар киради:
- кефир;
- сут;
- творог;
- қатиқ;
- йогурт.
Саломатликка зарар етказмасдан кальцийни қандай қабул қилиш керак? Меъёрни топиш учун шифокорлар бундай дориларни 2:1 нисбатда қабул қилишни таклиф қилади. 1 грамм кальций учун 0,5 г магний тўғри келади. Кальцийнинг сўрилиши уйғун ва табиий бўлиши учун рационга гречка ва арпа ёрмалари, кешю ёнғоғи ва бодом қўшиш керак.
Кальцийни қанча вақт қабул қилиш мумкин? Таблеткалар таркибида ушбу элементни доимий равишда олиш керак эмас. Чунки унинг ортиқчаси бошқа муаммоларни келтириб чиқаради. Кальцийни маълум вақтларда ичиш керак, лекин 1-2 ойдан ошмаслиги жуда ҳам муҳим.
Бундай дори-дармонларни қабул қилиш вақтини фаол ўсиш даври, суяк синишидан кейин, ҳомиладорлик даврига мослаш керак. Курс давомийлигини фақат тажрибали шифокор аниқ белгилаши мумкин. Курс тугагандан сўнг ушбу элементни ўз ичига олган маҳсулотлар ҳақида унутмаслик лозим.
Мутахассис фикри
Одамлар суякларнинг мўртлашишини кальций ва магний етишмаслиги туфайли касалликнинг ривожланиши деб аталади. Касалликнинг тиббий номи остеопороздир. Касалликлар сони бўйича у 4-ўринни эгаллайди (онкология, юрак-қон томир касалликлари ва диабетдан кейин).
Остеопороз — бу суяк массасининг аста-секин камайиши. Касаллик аёлларда кўпроқ кузатилади. Айниқса, суяк массаси менопаузанинг биринчи йилида камая бошлайди. Ушбу даврда аёл ҳар йили 20 фоизгача, кейин эса 2-5 фоизгача суяк массасини йўқотади. Остеопорознинг асосий сабаби кальций етишмаслигидир.
- вояга этган одамга кунига 1000 мг кальций, 50 ёшдан ошган аёлга эса 1200 мг керак бўлади.
- болалар: 1-3 ёш — 500 мг, 4-8 ёш — 800 мг, 9-18 ёш — 1300 мг.
Бунинг учун бир стакан сут таркибидаги кальцийни олиш учун 6 порция брокколи истеъмол қилиш керак. Қолаверса, кальцийни махсус қўшимчалардан олиш мумкин, аммо бу фақат таҳлилларни назорат қилиш билан амалга оширилиши керак, акс ҳолда элементнинг кўплиги ошқозон, буйраклар, юрак мушаклари, асаб тизими, суякларнинг мўртлигига олиб келади.
Магний — хотира ва янги маълумотларни идрок этиш учун масъул бўлган антидепрессант. У мушакларнинг қисқаришида, шу жумладан юрак мушакларида иштирок этади. Магнийнинг кунлик эҳтиёжи 400-800 мг ни ташкил қилади.
Магнийнинг етишмаслиги чарчоқ, асоссиз яллиғланиш хусусияти, ташвиш, депрессия, хотира бузилиши, шунингдек, терлаш, мушаклар спазми ва юрак қисқаришидаги узилишларга олиб келади.
Магний озиқ-овқат таркибида осон сўрилади. Уларга буғдой кепаги, қовоқ уруғи, ёнғоқ, исмалоқ, гуруч, ловия, шоколад киради. Ушбу маҳсулотларнинг барчасида магний B6 витамини ҳам мавжуд бўлиб, у организм учун муҳимдир.
Магнийнинг фармацевтик шакллари ҳам мавжуд. Аммо улар текширувдан ўтгандан кейин шифокор томонидан белгиланиши керак. Бундай шаклларни истеъмол қилиш организмда магнийнинг ҳаддан ташқари кўпайишига олиб келиши мумкин, бу эса сингимаслик, мушакларнинг кучсизлиги, юрак ритмининг бузилиши, тери қуриши ва кўнгил айниши, диарея ва сувсизланишга олиб келади.
Изоҳ (0)