Ижтимоий тармоқларда «Наманган вилоятида номаълум шахслар томонидан поезд рельсига боғлаб кетилган бир аёлнинг иккига бўлинган жасади топилган» номли хабар эълон қилинди. Транспорт прокуратураси ҳолат юзасидан расмий маълумот берди.
Аниқланишича, ушбу ҳолат 2021 йил Сирдарё вилоятида юз берган ва ҳолат юзасидан Ховос транспорт прокуратураси томонидан қонуний қарор қабул қилинган. Бугунги кунда эълон қилинган хабардаги маълумотлар ҳақиқатга тўғри келмайди.
Маълумот учун, 2021 йил 24 май куни соат 13:30 да Сирдарё вилояти ИИБ ТХТБ навбатчилик қисмига Ховос—Тошкент йўналишидаги йўловчи электропоезди Ховос айланма йўлининг 2-километри 6-пикетида 25-30 ёшлар атрофидаги шахси номаълум аёлни уриб юборгани ҳақида хабар келиб тушган.
Олиб борилган тезкор суриштирув ишлари натижасида ушбу аёл 1999 йилда туғилган, Ховос тумани «Гулбаҳор» МФЙда яшаган Т.Ш. экани ҳамда ўзининг эҳтиётсизлиги оқибатида электропоезд уриб юборгани аниқланган. Аёл олган тан жароҳатлари оқибатида воқеа жойида ҳалок бўлган.
Бош прокуратура матбуот хизматининг маълум қилишича, ҳолат юзасидан Ховос транспорт прокуратураси томонидан терговга қадар текширув ҳаракатлари олиб борилган.
Изоҳ (0)