Латвия пойтахтида Ригани озод қилганлар ёдгорлигининг охирги элементи — совет аскарлари шарафига ўрнатилган ёдгорлик бузиб ташланди. Мамлакат оммавий ахборот воситалари томонидан бир нечта видеолар эълон қилинди, шунингдек, ёдгорликнинг бузилиши жонли эфирда намойиш этилди.
Қайд этилишича, 79 метрли ёдгорлик Ғалаба боғида жойлашган бўлиб, бу Ригани озод қилганлар ёдгорлигининг учинчи қисми ҳисобланади. 25 август куни эрталаб ишчилар ёдгорликни демонтаж қилишга киришган. Асосий элемент – «Она ватан» ҳайкали бир кун аввал — 24 август куни бузиб ташланган.
22 август куни Ригани озод қилганлар ҳайкалининг бузилишига қарши ўтказилган митингда 7 киши ҳибсга олинган эди.
Демонтаж тўғрисидаги қарор кўп йиллар давомида муҳокама қилинган ва 2022 йил май ойида қабул қилинган. Бунинг олдидан 9 май куни ҳайкалга гул қўйиш билан боғлиқ тадбирлар бўлиб ўтган.
Изоҳ (0)