Бангладешда ERIELL Group 2022 йилнинг 19 август куни 1-сонли Табги қудуғини бурғулашни расман бошлади. Маросимда мамлакат вазирлик ва компаниялари вакиллари иштирок этди.
Нефть хизматларини кўрсатувчи компаниялар гуруҳи пандемия билан боғлиқ 3 йиллик танаффусдан сўнг, Бангладешда фаолиятининг тикланишини шу тарзда тантанали бошлади.
Расмий тадбирда Бангладеш Энергетика вазирлигининг Бош котиби Маҳбуб Ҳуссайн, ПетроБангла нефть-газ ва минерал ресурсларни қазиб олиш давлат компанияси раиси Назмул Аҳсан, лойиҳанинг Бош буюртмачиси – Бангладешнинг БAPEX давлат компанияси раҳбари Муҳаммад Али, нефть-газ тармоғидаги кўплаб халқаро компаниялар ва маҳаллий маъмурият вакиллари иштирок этди.
Меҳмонлар учун бурғулаш майдончаси бўйлаб таништирув саёҳати ҳам ташкил этилди. Унда ERIELL Oilfield Services B.V. филиали директори Эржигит Дусмухамедов бурғулаш жараёнининг ўзига хос жиҳатлари, тозалаш тизимининг ишлаши ва бошқа жараёнлар ҳақида сўзлаб берди.
Очилиш маросимида Бангладеш вакиллари томонидан ERIELL Group’га кўп йиллик ҳамкорлик ва Бангладеш Республикасида олдинги 17 та қудуқни қуриш жараёнида компаниялар гуруҳи мутахассислари кўрсатган юксак профессионализм учун миннатдорчилик билдирилди. Қисқа вақт ичида амалга оширилган ҳамкорликнинг янги босқичига тайёргарлик ишлари самарали кетаётгани қайд этилди.
Ҳақиқатан ҳам, бурғулашни бошлашга тайёргарлик ишларини, жумладан, бурғулаш қурилмаси ва бошқа катта габаритли ва оғир юкларни етказиб бериш ишларини муссон ёмғирлари мавсумида бажаришга тўғри келди.
1-сонли Табги қидирув қудуғи Бхола оролида жойлашган «Shaxbazpur» конида бурғуланмоқда. Ёмғирлар оқими туфайли ювилиб кетган оролнинг тор йўллари, шунингдек, Бхола оролидаги оғир логистика шароитлари, юк ва бошқа зарур воситаларни тайинланган жойга етказиш учун кўплаб техник ва муҳандислик ечимларини талаб этди. Бундан ташқари, 1-сонли Табги қудуғига борадиган йўлда 12 та кўприк жойлашган бўлиб, ҳозирги кунда бу ерда реконструкция ва қурилиш ишлари олиб борилмоқда.
Бу шароитлар ERIELL Group мутахассислари учун янги тажриба бўлмоқда, уларни турли иқлим шароитларида ишлашга ўргатмоқда. Бангладешда уч йиллик танаффусдан сўнг биринчи қидирув қудуғини бурғулашнинг бошланиши ушбу мамалакатда нефть хизматларини кўрсатувчи компаниялар гуруҳи ривожланишининг янги босқичи бўлди.
Эслатиб ўтамиз, ERIELL Group 2012 йилнинг иккинчи ярмида Бангладеш бозорига кириб келди ва 2013 йилнинг бошларида Shrikail-3 ва Titas-20 қудуқларини бурғулашни бошлади. Пандемия бошлангунга қадар 17 та қудуқ муваффақиятли бурғуланди. Уларнинг 15 тасига саноат гази оқими келиб тушган.
Реклама ҳуқуқи асосида.
Изоҳ (0)