«Рома»дан «Барселона»гача. УЕФА 20 та клубни молиявий фейр-плей қоидаларини бузганлиги учун жазолайди

Европанинг 20 та клуби, жумладан, «Барселона» ва «Ювентус» ҳам молиявий фейр-плейни бузганликда гумон қилинмоқда.

Сентябрь ойида УЕФА 2021/22 йилги мавсумда молиявий фейр-плей қоидаларини бузгани учун 10 та жамоага қарши санкциялар жорий қилади, дея хабар қилмоқда The Times. Ушбу рўйхатдан «Барселона», «ПСЖ», «Ювентус», «Интер» ва «Рома» жой олган.

«ПСЖ» ва «Марсель» бу масалада УЕФА билан музокара қилгани учун жарима билан чекланади. «Рома», «Интер» каби жамоалар эса нафақат жарима, балки турли чекловларга дучор бўлиши мумкин.

«Барселона» ва «Ювентус» УЕФА билан МФП масаласида музокара ўтказишдан бош тортган.

Умумий ҳисобда 20 та жамоа, хусусан, «Арсенал» ҳам шубҳа остида қолмоқда. Бироқ, барча клублар ҳам УЕФАга ҳисобот тақдим этмаган, шунинг учун уларнинг вазияти ўзгариши мумкин.