Барчамизга маълумки, Самарқанд шарқона меҳмондўсликнинг ҳақиқий намунаси экани билан ажралиб туради.Бу ерда бир неча миллат вакиллари узоқ вақтлардан бери ҳамжиҳатликда яшаб келмоқда.Бу шаҳар Бобил, Афина, Рим ва бошқа шу каби шаҳарлар билан тенгдош ҳисобланади.
Ҳудуддаги тарихий обидалар қимматбаҳо экспонатлар у ерда минглаб йиллар аввал илк одамлар яшай бошлаганини айтишга имкон беради.
Самарқанд кўчаларида ҳаракатланар экансиз унда пойтахтга хос муҳитни ҳис қилишингиз мумкин.
Албатта, бу бежиз эмас чунки бу шаҳар дастлаб Амир Темур даврида 1925 йилга келиб эса собиқ шўролар давлатининг маркази ҳисобланган.
IX асрда Самарқанд шаҳри Сомонийлар давлати тасарруфида бўлган, Х аср охирида эса Қорахонийлар давлати таркибига кирган. Ўша даврда Самарқандда муҳташам меъморий иншоотлар барпо этилган бўлиб, уларнинг аксарияти, афсуски, Чингизхон томонидан вайрон қилинган. Кейин Самарқанд мўғуллар истилоси оқибатида тор-мор этилган Хоразмшоҳлар давлати таркибига кирди.
Сафаримиз давомида биз Гўри Амир мақбарасига ташриф буюрдик.Мақбарага Темурийлар сулоласига мансуб шахслар (Амир Темур, унинг пири Мир Саид Барака, ўғиллари Умар шайх, Мироншоҳ ва Шоҳрух Мирзо, набиралари Муҳаммад Султон, Улуғбек ва бошқалар) дафн этилган.
Шунингдек, Шердор мадрасасига ҳам саёҳат уюштирдик. Бу мадраса Самарқанддаги меъморий ёдгорлик бўлиб, Регистон ансамбли таркибига киради. Мирзо Улуғбек хонақоҳи ўрнига Ялангтўш Баҳодир қурдирган. Улуғбек мадрасасининг рўпарасида жойлашган.
Самарқанд бу кўплаб сир ва афсоналарни сақлаган ажойиб ва қадимий шаҳардир.Бу ерда одамларниг меҳрибонлиги, меҳмондўстлиги тарихий муҳит шаҳарга сайёҳларни яна ва яна ўз бағрига қайтишга мажбур қилади назаримда.
«Дарё» тарихий Самарқанд шаҳрига саёҳат уюштирди ва унинг диққатга сазовор манзиллари ҳақида яна бир бор маълумот беради.
Изоҳ (0)