Литва ҳудудий сувларида 22—26 август кунлари Литва, Латвия, Эстония ва Чехия ҳарбий хизматчилари иштирокида «Болтиқ бикини — 2022» халқаро ҳарбий-ҳаво кучлари машғулотлари ўтказилади. Бу ҳақда Литва армиясига таяниб, «Интерфакс» хабар берди.
Машғулотлар иштирокчилари авиаҳалокатлар юз берганда қўлланиладиган турли процедураларни ишлаб чиқади, парвоз экипажи эса бундай фавқулодда вазиятда қандай қилиб тўғри ҳаракатланишни ўрганади ҳамда сувдаги самолётдан омон қолиш бўйича малакасини оширади, дейилади хабарда.
«Болтиқ бикини» халқаро машғулотлари 2004 йилдан бери ҳар йили Болтиқбўйидаги учта давлатдан бирида ўтказиб келинмоқда.
22 август куни Жанубий Корея ва АҚШ кенг кўламли қўшма ҳарбий машғулотларни бошлади. Машғулотлар 1 сентябрга қадар давом этади ва кутилмаган вазиятларда ҳаракатларни ишлаб чиқишни ўз ичига олади. Хусусан, Шимолий Корея ҳужумларини қайтариш ва катта Сеул туманини ҳимоя қилиш кўзда тутилган, шундан сўнг қарши ҳужум амалиётлари ўтказилади.
Изоҳ (0)