Тирноқларни узоқ муддатга гел-лак билан маникюр қилдириш кўплаб ишларни осонлаштиради. Бироқ баъзи аёллар уларнинг уч ҳафтадан олдин узилиб кетишидан азият чекмоқда. Қуйида бунинг сабаби ҳақида маълумот берилади.
Тирноқларни гел-лак билан маникюр қилиш тирноқ мутахассиларининг энг яхши топилмаларидан бири. Аксарият аёллар эса узоқ муддат сақланиб турадиган гел-лакларни танқид қилади ва сурилганидан бир ҳафта ўтиб сифати ёмонлашиши ҳақида гапиради. Миллионлаб шеллак мухлислари эса бу фикрга қарши ва улар ҳаётини ушбу гел-лакциз тасаввур қила олмайди.
Баъзи вақтларда гел-лак тирноқларда анча кам вақт сақланиб туради. У тирноқ пластинкасидан силжий бошлайди ва четлари кўтарилиб, хунуклашади.
Бундай ҳолатларга сифатсиз лак маҳсулотлари ёки тирноқ мутахассисларининг нопрофессионал бажарилган иши сабаб бўлиши мумкин. Бироқ сиз бир нечта гўзаллик салонларида шеллак қилдириб кўрсангиз-у, тирноқларингизда гел-лакнинг сақланиш давомийлиги бир хил - қисқа бўлса, эҳтимол, бир неча сабаблар туфайли сизга гел-лак тўғри келмаслиги мумкин.
Агар сиз кўп вақтингизни қўлқоп кийиб ўтказсангиз ёки сув билан боғлиқ ишларни бажарсангиз гел-лакли маникюр чиройли кўринишини йўқотиши мумкин. Сувнинг маникюрга ёмон таъсир қилиши ҳаммага маълум. Мутахассислар уй ишларини бажаришда қўлқоп кийишни маслаҳат беради, бироқ уни ҳам кўп муддатга кийиш мумкин эмас. Нам ва иссиқ атмосфера тирноқ қопламасига ёмон таъсир кўрсатади.
Учли пойабзал киювчиларга эса педикюр қилиш маслаҳат берилмайди. Бу ҳолатда оёқ бармоқларига жуда катта босим бўлади ва гел-лакнинг эса бунга бардош беролмаслиги эҳтимоли катта.
Педикюрга яна бир қаттиқ таъсир қилувчи омиллардан бири айрим спорт турлари билан фаол шуғулланиш ҳисобланади. Агар машғулот пайтида тез-тез оёқ машқларидан фойдалансангиз бу гел-лакка таъсир қилади. Иложи борича оддий лакларидан фойдаланинг ва у бир ҳафтадан кўпроқ сақланиши мумкин.
Мавзуга доир:
Изоҳ (0)