Оддий тиш пастасининг фойдалари ҳақда кўпчилик билмайди. Ушбу восита кундалик ҳаётда кўп нарсада ёрдам бериши мумкин. «Новий очаг» нашри оддий тиш пастасидан унумли фойдаланиш сирлари билан бўлишди.
Заргарлик буюмлари
Махсус тозалаш воситаларини сотиб олишнинг ҳожати йўқ. Намланган заргарлик буюмларига озгина паста суртилади ва эски тиш чўткаси билан ишқаланди. Сўнгра сув билан яхшилаб ювиб ташлаш мумкин. Ушбу лайфхак мелхиор (мис ва никел аралашмаси) қошиқ ва санчқиларида ҳам қўлланилади.
Хром жўмраклар
Аслида оддий истеъмол содаси ёки сирка эритмаси ҳам жуда яхши тозалайди. Аммо улар бўлмаганда, нам губкага тиш пастасини суртиб, буюмни тозалаш мумкин.
Чинни идишдаги чой ва қаҳва доғлари
Истеъмол содаси бўлмаганда тиш пастасига мурожаат қилиш мумкин. Айтганча, бу саёҳатда жуда қўл келади. Кўпчилик сафарда севимли стаканини ўзи билан олиб кетади. Лекин бу вақтда истеъмол содасини олиб юриш шарт эмас. Шунчаки тиш пастасидан фойдаланиш кифоя.
Косметик кўзгудаги доғлар
Помада, тональ крем, упа билан биргаликда турган кўзгу уларнинг ранги туфайли хиралашиб қолиши табиий. Оддий пахтага тиш пастасини суртиб, бир зумда уни тозалаш мумкин.
Пиёз ёки саримсоқ ҳиди
Агар пичоқ зангламайдиган пўлатдан ясалган бўлса, унда пиёз ёки саримсоқ ҳиди қолмайди. Лекин бошқа турдаги пичоқлардан ҳидни бартараф этиш учун тиш пастаси суртилиб, 10 дақиқага қолдирилади ва ювиб ташланади. Қўлдан келадиган сабзавот ҳидларига ҳам худди шу усулни қўллаш мумкин.
Стол устидаги стакан излари
Бир томчи тиш пастаси суртилган қуруқ салфетка билан стол устини артиш кифоя.
Мебель устидаги чизиқлар
Болалар мебель устига қалам ёки маркер билан чизиб юборганда, тиш пастаси муаммони бартараф этади.
Оёқ кийимларнинг оқ тагликлари
Бир ҳафталик фойдаланишдан кейин пойабзал ўз кўринишини ўзгартирдими? Паста нафақат тишларни тозалайди, балки кроссовкаларни худди янги сотиб олгандек оппоқ кўринишга келтиради. Тўғри, бунинг учун жуда кўп паста ва эски чўтка керак бўлади, лекин натижа бунга арзийди.
Изоҳ (0)