Дизель танкердан иборат 5 та флотилия Осиёдан Европага жўнаб кетди

Иссиқ об-ҳаво, газ нархининг кўтарилиши ва Россиядан энергия етказиб беришнинг қисқариши туфайли Европа давлатларининг энергетик хавфсизлигига таҳдид ортиб бораётган бир шароитда дизель ёқилғисини етказиб бериш тобора кўпроқ Осиёдан Европага йўналтирилмоқда. Бу ҳақда Bloomberg’га таяниб, «Интерфакс» хабар берди.

Август ойида Осиёдан Европага умумий ҳажми қарийб 3 миллион баррель бўлган дизель ёқилғиси ташувчи бешта танкер келиши керак, бу беш ой ичида максимал кўрсаткичдир. Буни Vortexa тармоқ аналитик компаниясининг дастлабки маълумотлари тасдиқлайди.

Дизель ёқилғиси оқими Европага йўналтирилмоқда, чунки минтақада нархлар Осиёдагидан юқори, дейди савдогарлар. Шу билан бирга, Осиё мамлакатларида Хитой иқтисодиётининг заифлашуви ва Ҳиндистондаги мавсумий сукунат фонида таклиф талабдан ошиб кетади. Европа эса мисли кўрилмаган қурғоқчиликка дуч келди, бунинг натижасида Рейн дарёсидаги сув сатҳи кескин пасайиб кетди. Бу эса у ёқилғи ва бошқа юкларни ташишда муаммоларни келтириб чиқарди.

Шу муносабат билан ёнилғи етказиб беришнинг чекланиши Европанинг бир қатор минтақаларини захира энергия ресурсларидан фойдаланишга мажбур қилиши мумкин. Улар қиш мавсумига қадар тўлдирилиши керак, дейди экспертлар.

Маълум қилинишича, август ойида Осиёдан жўнаб кетаётган дизель танкерлари ой охиригача Европага етиб боради.