Шавкат Мирзиёев бош вазирнинг биринчи ўринбосари Очилбой Раматовни «Меҳнат шуҳрати» ордени билан мукофотлади. Бу ҳақда президент матбуот хизмати хабар берди.
Таъкидланишича, Раматов давлат идораларидаги кўп йиллик самарали меҳнати, мамлакат мустақиллигини мустаҳкамлаш, унинг иқтисодий қудратини юксалтириш, кенг кўламли ислоҳотларни, йирик бунёдкорлик лойиҳаларини муваффақиятли амалга ошириш, ҳудудларни комплекс ривожлантириш борасидаги улкан хизматлари, ташаббускорлик ва ташкилотчилик фазилатлари билан ватан тараққиёти ва халқ фаровонлигини оширишга қўшаётган катта ҳиссаси, юқори малакали кадрларни тайёрлаш йўлидаги ибратли фаолияти ҳамда таваллудининг 60 йиллиги муносабати билан ушбу орден билан мукофотланди.
Маълумот учун, Раматов 1962 йил 20 августда Хоразм вилоятининг Шовот туманида туғилган. Миллати — ўзбек. 1984 йилдан 1988 йилгача Тошкент темир йўл муҳандислари институтида таҳсил олган.
Изоҳ (0)