Тошкент шаҳрида 22–24 август кунлари ШҲТга аъзо ва кузатувчи давлатларнинг ҳарбий оркестлари иштирокида халқаро фестиваль бўлиб ўтади. Бу ҳақда АОКАда ўтказилган брифингда Мудофаа вазирлиги ахборот хизмати раҳбари Отабек Йўлдошев маълум қилди.
Фестиваль дастурига кўра, 22 август куни соат 19:00 дан 20:30 гача Тошкент шаҳрининг диққатга сазовор жойларида Ўзбекистон ва хорижий давлатлар ҳарбий оркестрларининг кўргазмали чиқишлари ҳамда концерт дастурлари намойиш этилади.
Шунингдек, фестивалда жаҳоннинг мумтоз асарлари, эстрада ва жаз мусиқалари, кўргазмали ҳарбий саф рэпертуарлари намойиш этилади. Фестивальнинг тантанали ёпилиш маросимига бағишланган барча ҳарбий оркестрлар иштирокидаги «Тинчлик навоси» номли халқаро фестивалнинг якуний гала-концерти 24 август куни соат 13:00 дан бошлаб пойтахтдаги Humo арена муз саройи майдонида бўлиб ўтади.
Изоҳ (0)