Ўзбекистонда июль ойида тарвуз нархлари бир ой ичида ўртача 35,5 фоизга арзонлашди. Бу ҳақда Давлат статистика қўмитаси ахборот хизмати хабар берди.
Қайд этилишича, 2022 йилнинг дастлабки 7 ойида нархлар 30,4 фоизга пасайган.
Аввалроқ Наманганда эр-хотин тарвуздан заҳарланиб вафот этгани ҳақида хабар берилган эди. EastFruit экспертлари бундай воқеалар оқибатида тарвуз истеъмоли кескин камайиб кетиши мумкинлигини маълум қилган.
Маълумот уcбун, Наманган вилояти Норин туманида бир оила тарвуздан заҳарланган, унинг икки аъзоси вафот этган. Эр-хотиннинг ўлимга олиб келган тарвуз истеъмолидан захарланиш ҳолатлари Ўзбекистонда айни пайтда энг кўп муҳокама қилинаётган мавзулардан бири ҳисобланади. Бундай муҳокамлар суд-тиббий экспертизасининг якуний хулосаси ва тергов органларининг текшириш натижаларини кутмасдан амалга оширилмоқда.
Аҳолининг фикрига кўра, ҳаддан ташқари кимёвий моддалар тарвуз таркибида нитратнинг кўпайишига олиб келади.
Изоҳ (0)