Сирдарё вилояти Оқолтин туманида Nexia автомобили Nexia-3’га бориб урилди.
2021 йил 27 декабрь куни соат 22:00 ларда Т.А. бошқарувида бўлган автомашинасини Оқолтин тумани, «Шодлик» МФЙ ҳудудидан ўтувчи 4Р-33 автойўлининг 9-километрида Учтом—Гулистон йўналиши бўйлаб бошқариб, қарама-қарши йўналишда ҳаракатланиб бораётган Н.С.нинг бошқарувида бўлган автомашинанинг олд қисмига уриб, йўл-транспорт ҳодисаси содир қилган.
Оқибатда Nexia-3 ҳайдовчиси С.Н ва йўловчиси Н.Ж. ҳамда Nexia-1 ҳайдовчиси Т.А. турли даражадаги тан жароҳатлари олиб, тиббиёт муассасаларига ётқизилган.
Судга оид тиббиёт экспертизасида Ж.Н. ва С.Н.нинг олган тан жароҳатлари «ҳаёт учун хавфли бўлган оғир шикаст» деб баҳоланиши қайд этилган.
Т.А.га оид жиноят иши жиноят ишлари бўйича Сардоба туман судида кўриб чиқилиб, унга нисбатан Жиноят кодексининг 266-моддаси 1-қисми билан 45-моддасини қўллаб 2 йил муддатга транспорт воситаларини бошқариш ҳуқуқидан маҳрум қилиб, базавий ҳисоблаш миқдорининг 25 баравари миқдорида, яъни 6 750 000 сўм жарима жазоси тайинланиб, судланувчи Т.А дан жабрланувчилар фойдасига 63 542 955 сўм моддий зарар ундирилиши белгиланди.
Изоҳ (0)