Facebook'даги "Потребител" гуруҳида фойдаланувчи томонидан Click тўлов тизимида очилган аккаунтни қайтиб ҳеч қачон ўчириб бўлмаслиги ҳақидаги маълумот қизғин мунозараларга сабаб бўлди.
Маълум қилишича, агар сиз мазкур тўлов тизими хизматларидан фойдаланишни тўхтатиб, телефонингиздан мобил дастурни ўчириб юборсангиз ҳам, телефон рақамингизга очилган аккаунт ўчмас экан.
Дарё вазиятга аниқлик киритиш учун Click тўлов тизими маркетинг бўлими бошлиғи Бобир Назарзода билан боғланди.
«Бир нарсани тушуниш керак. Аккаунтни ўчирган билан фойдаланувчининг тўлов маълумотлари компанияда, банкда барибир қолади. Шахсий маълумотларни сақлаш тўғрисидаги қонунга кўра, бу маълумотлар маълум вақт сақланиши керак.
Агар фойдаланувчи ўз телефон рақамидан фойдаланиш имкониятини йўқотган бўлса, у компаниямизга дарҳол мурожаат қилиши лозим. Контакт-Марказимизга тушган бундай мурожаатлар дарҳол ишланиб, олдинги телефон рақамдан маълумотарни кўриш имкони ёпилади.
Яқинда чиқадиган янги мобил иловада ушбу имкониятни автоматлаштириб, фойдаланувчиларга енгиллик яратмоқчимиз. Унда улар ўзлари тугмани босган ҳолда, ўз маълумотларини ўчириш имконига эга бўлишади», - деди Бобир Назарзода.
Изоҳ (0)