Кўпчилик бадавлат одамларнинг фарзандлари ҳеч қандай етишмовчилик ва кам-кўстсиз яшайди, деб ўйлайди. Аммо ҳисоб рақамларида миллиардлаб доллар бўлса-да, фарзандларини ортиқча ҳашаматга ўргатмай, ўз меҳнати билан кун кўришга ундаган оталар ҳам бор. Ҳатто уларнинг баъзилари бойлигини болаларига мерос қилиб қолдирмайди ҳам.
Уоррен Баффет: уч нафар фарзанди бор
2019 йил февраль ойида қарийб 85 миллиард долларга эга бўлган 91 ёшли америкалик тадбиркор 2004 йилда вафот этгунига қадар бутун умри давомида фақатгина Сюзан исмли аёл билан турмуш кечирди. Эр-хотиннинг Сюзан Элис, Ховард ва Питер исмли учта фарзанди бор.
Қизиқарли факт — уларнинг қизи Сюзан Элис болалигида отаси дунёдаги энг бой одамлардан бири эканлигига шубҳа қилмаган, бу ҳақда у Wall Street Journal’даги мақоладан билиб олган. Бу эса Баффет кундалик ҳаётда ҳашаматга мойил эмаслигини ва ўз фарзандларини ғайритабиий нарсалар билан овора қилмаганини кўрсатади.
«Биз яхши уйда яшардик, лекин бу шаҳардаги энг катта уй эмас эди», — деб эслайди Сюзи HBO ҳужжатли фильмида. «Укаларим ва мен оддий мактабга борганмиз, ота-онамиз бизга кундалик харажатлар учун озгина пул беришарди, лекин биз қўшимча иш қилиб ҳам, пул ишлардик».
Сюзан бутун умри давомида қашшоқликни йўқотиш, ядровий қуролсизланиш ва аёллар саломатлиги масалалари билан шуғулланувчи турли жамоат ташкилотларида ишлаган.
Говард — бизнесмен, доимо қишлоқ хўжалиги билан шуғулланган, улкан фермер хўжаликларига эга ва табиатни ҳимоя қилади. Шунингдек, у Иллинойс штатининг Макон округига шериф этиб тайинланган.
Кенжа ўғли Питер — ижодкор, у профессионал мусиқачи, 16 та альбом ёзган. Шу билан бирга, у рафиқаси билан бирга отаси томонидан ташкил этилган хайрия жамғармаларида ҳам иштирок этади.
Айтганча, Баффетнинг фарзандларига мерос қолмайди: тадбиркор ҳамма бойлигини хайрия жамғармаларига васият қилган. Бундан ташқари, 2010 йилда Уоррен Баффет инсоният тарихидаги энг саховатли одамга айланди: у хайрия ташкилотларига тахминан 37 миллиард доллар хайрия қилган.
Жефф Безос: тўрт нафар фарзанди бор
Amazon асосчисининг исми 25 йиллик турмушидан ажрашишга қарор қилганидан кейин кўпчиликка маълум бўлди. Унинг танлагани телебошловчи, лекин жозибали ва машҳур эмас. Бундан ташқари, ажралиш туфайли Жефф дунёдаги энг бой одам мақомини йўқотди.
Жефф ва унинг собиқ рафиқаси Маккензининг тўрт фарзанди бор: учтаси ўзлариники ва Хитойдан асраб олинган қиз. Жамоатчилик Безоснинг болалари ҳақида кўп нарса билмайди. Турмуш ўртоқлар ўз фарзандларини ноодатий тарзда тарбиялаган: улар ошхонада тажриба ўтказишган, товуқ боқишган, экзотик тилларни ўрганишган, жуда ғайриоддий саёҳатлар уюштиришган.
Бироқ болалар ҳаёт неъматларидан маҳрум эмас ва ҳатто ажрашгандан кейин ҳам қашшоқликда яшашлари даргумон.
Дональд Трамп: беш нафар фарзанди бор
3,1 миллиард доллар бойликка эга америкалик бизнесмен дунёдаги энг бадавлат юз кишилар рўйхатига киритилмаган (2019 йил ҳолатига кўра), аммо шуҳрат борасида АҚШ президенти билан рақобатлаша оладиганлар кам. Айтганча, бир неча йил олдин президентлик йилларида Forbes рейтингида 116 поғонага тушиб кетган, аммо бошқа томондан у мамлакат ва дунё тарихига кирган.
Трампнинг биринчи рафиқаси Ивана Зелничковадан (кичик Дональд, Иванка ва Эрик), қизи Тиффани иккинчи рафиқаси Марла Мейпсдан ва 16 ёшли ўғли Баррон ҳозирги рафиқаси Меланиядан.
Биринчи турмушидан бўлган уч фарзанди отасининг Trump Organization компаниясида бизнес билан шуғулланади, аммо ҳар бирининг севимли машғулоти ҳам бор. Масалан, Иванка бир неча ой давомида бесцеллер бўлган бизнес ҳақида китоб ёзган, шунингдек, ўзининг заргарлик ва кийим-кечак бизнесини очган.
Эрик отаси президент бўлганидан сўнг, The Trump Organization оилавий бизнесини бошқаради, кичик Дональд ҳам компанияда вице-президентлардан бири сифатида ишлайди.
Тиффани эса сиёсат ва бизнес у учун эмаслигини тушунди. Қиз актриса ва продюсер онасининг изидан бориб карьерасини шоу-бизнесда қурди: у модель ва қўшиқчи. Тўғри, у кўпроқ ижтимоий тармоқларда ўзининг шармандалиги билан машҳур: Тиффани расмларини сезиларли даражада фотошоп қилади ва бу аҳмоқона кўринади.
Билл Гейтс: уч нафар фарзанди бор
Microsoft асосчиси ва 1994 йилдан бери бирга бўлган собиқ рафиқаси Мелинданинг уч нафар фарзанди бор: қизлари Женнифер ва Фиби ҳамда ўғли Рори. Катта қизи Женнифер 26 ёшда. У Стэнфорд университетида биология бўйича таҳсил олган. Бундан ташқари, қиз от спортини яхши кўради.
Айтганча, Гейтс уйидан унча узоқ бўлмаган жойда яна бир компьютер даҳоси, марҳум Стив Жобснинг қизи яшайди. Ева Жобс ҳам Стэнфорд талабаси ва профессионал чавандоз.
Гейтснинг ўғли Рори 23 ёшда, у талаба. Кенжа қизи Фиби 19 ёшда ва ҳозирда у ота-онаси билан Вашингтон штатида яшайди.
Майкл Блумберг: икки нафар фарзанди бор
50 миллиард доллардан ортиқ бойликка эга бизнесмен узоқ вақт Нью-Йорк мэри бўлган, шунингдек, Bloomberg медиа империясига эгалик ҳам қилади.
Тадбиркорнинг икки қизи бор: Эмма (1979 йилда туғилган) ва Жоржина (1983 йилда туғилган). У анча йиллар олдин рафиқаси билан ажрашган. Катта қизининг омади келган — у миллиардер Кристофер Фриссорнинг ўғлига турмушга чиққан. Ҳозирда болалари тарбияси билан шуғулланади, шу сабаб омма нигоҳига у қадар ташланмайди.
Жоржина фаолроқ: у от спортини яхши кўради, кўплаб мусобақаларда ғолиб бўлган, ҳатто ушбу спорт тури бўйича спорт жамоасига эгалик қилади.
Изоҳ (0)