Ёлғиз оналар вояга етказган жаҳон юлдузлари (фото)

Олиб борилган тадқиқот шуни кўрсатдики, ёлғиз она томонидан тарбияланган бола тўлиқ оиладаги болалар каби яхши ўқийди. Шубҳасиз, ҳам она, ҳам ота ролини ўйнаш ҳар қандай одам учун машаққатли синовдир. Аммо бу туфайли она ва бола ўртасида жуда кучли алоқа пайдо бўлади. Онаси уни мустақил равишда тарбиялаш учун ҳаёт қийинчиликларига дош бераётганини кўрган бола муваффақиятга эришиш учун қўшимча мотивация олади. Мустақил ва меҳнатсевар бўлиш ортидан ҳар қандай нарсага эришиш мумкинлигини тушунади. AdMe нашри дунёга машҳур юлдузларни тарбиялашда ёлғиз ўзи машаққат чеккан оналар ҳақда сўз юритди.

Ирмелин Инденбиркен — Леонардо Ди Каприонинг онаси

Голливуд юлдузининг ота-онаси у бир ёшга тўлганида ажрашиб кетган ва уни Ирмелин ёлғиз ўзи тарбиялаган. Она ва ўғил бир-бири билан жуда яқин ва 20 йилдан кўпроқ вақт давомида Ди Каприо қизил йўлакда онаси билан кўриниш бермоқда. Бир куни актёр ўзининг ёрқин муваффақияти учун онасидан бошқа ҳеч кимга қарздор эмаслигини айтиб: «Агар у бўлмаганида, мен бу ерда бўлмаган бўлардим», — деди.

Шубҳасиз, Ирмелин Ди Каприо ҳаётидаги жуда муҳим шахс. Ҳаттоки актёрдан охирги марта қачон севгилисига олмос сотиб олганини сўрашди. Бунга Голливуднинг юлдузи: «Бундай қимматбаҳо нарсаларни сотиб оладиган ягона одамим — онам», — деб жавоб берди.

Мери Мей Смит — Пирс Броснаннинг онаси

69 ёшли актёр тўлиқ бўлмаган оиладаги ягона фарзанд эканини айтиб ўтган. Унинг сўзларига кўра, отаси оилани жуда эрта тарк этган ва онаси бўлажак актёрни 4 ёшида бувисининг қарамоғида қолдирган. Бироқ у кейинроқ қайтиб келган ва улар Лондонга кўчиб кетган. Броснаннинг айтишича, онаси уни доим қўллаб-қувватлаб, орзуларига эргашиши учун руҳлантирган.

Жудит Энн Хокинс — Хелли Беррининг онаси

Актриса ва унинг синглисини ёлғиз онаси тарбиялаган. Беррининг таъкидлашича, онаси унга ҳеч қачон ташқи кўриниши ҳақида ўйламасликни айтган. Балки у қизларига «Гўзаллик сизнинг ҳаракатларингиз билан белгиланади» дея таъкидлаган. Шу билан бирга она қизларини кучли ва мустақил қилиб тарбиялади ва уларга ҳаётдаги қийинчиликларни бошқаларга таянмасдан қандай ҳал қилишни ўргатди.

Женис Комбс — Шон Комбснинг онаси

Машҳур рэпер Шон Комбс Пи Дидди номи билан танилган отасидан 5 ёшида айрилди. Онасининг 80 ёши муносабати билан Комбс ўз саҳифасида унинг сурати билан бўлишди: «Мен фақат шу гўзал, меҳнатсевар, меҳрибон, самимий, ақлли ва мутлақо ҳайратланарли малика туфайли ҳаётман!» Бундан ташқари, у ушбу қувончли воқеани нишонлаш учун унга 1 миллион долларлик чек берган.

Террия Жозеф — Алиша Кизнинг онаси

Хонанда ҳам фақат онасининг тарбиясида улғайган. Кўриниб турибдики, улар жуда кучли муносабатларга эга, Кейс тез-тез онасига чексиз миннатдорчилик ва севги изҳор қилади. Алиша онасининг туғилган кунида шундай деб ёзган: «Мен биладиган энг ғайриоддий аёл. Сиз мен учун жуда азизсиз. Мен сизга ҳамма нарсадан қарздорман».

Шелли Кернс — Кристина Агилеранинг онаси

Бўлажак қўшиқчи, актрисанинг онаси отаси билан у 7 ёшда эканида ажрашган, шундан кейин у отасини жуда кам кўрди. Агилеранинг маълум қилишича, онасининг кучи бутун умри давомида унга ёрдам берган. Хонанда онасининг матонати, сабри ва шижоати унинг характерини шакллантирганини айтиб ўтган.

Кора Блайж — Мери Жей Блайжнинг онаси

Қўшиқчи Мери ёлғиз она қўлида катта бўлган. Аммо, хайриятки, она ва қиз дуч келган барча қийинчиликларни муваффақиятли енгиб ўтди. Шубҳасиз, Мери онаси билан жуда кучли муносабатларга эга. Мери онасининг туғилган кунида шундай деб ёзган: «Мен сизни жуда яхши кўраман ва менга берган барча чексиз севгингиз учун жуда миннатдорман!»

Маршелин Бертран — Анжелина Жолининг онаси

26 ёшида Анжелина Жолининг онаси Маршелин Бертран турмуш ўртоғи, актёр Жон Войт билан ажрашганидан кейин икки фарзандини ёлғиз ўзи тарбиялаган. Анжелинанинг айтишича, Бертран уларни ўзгача меҳр билан тарбиялаган, актриса ҳам ўз навбатида онасидан ўрнак олиб, фарзандларига ҳам худди шундай муносабатда бўлишни ўрганган.