Бурак Ўзчивит нафақат Туркияда, балки бошқа мамлакатларда ҳам машҳур актёрлардан бирига айланган. Том маънода актёрнинг ҳар бир қадамини жамоатчилик кузатиб боради ва у пайдо бўлган жойлар мухлислар билан тўлади, деб ёзади Wday.
Туркиялик актёр атрофидаги бундай жамоатчилик эътибори унинг қалбини забт этган Фаҳрие Эвжен билан ҳам боғлиқ. Аёл нафақат ташқи кўриниши ва актёрлик қобилияти, балки ўзига хос табиати билан ҳам машҳур.
ТВ100 телеканалининг хабар беришича, Фаҳрие Буракнинг онаси билан жанжаллашиб қолган. Маълум бўлишича, актёр рафиқасининг хатти-ҳаракатидан норози бўлиб, ҳатто бирга яшаётган уйини тарк этган. Журналистлар томонидан ушбу хабар тарқала бошлаган заҳоти «Севги изтироби» юлдузи бунга изоҳ берди.
Актёр ўзининг саҳифасида турмуш ўртоғи билан тушган суратини жойлаштирди ва жамоатчиликдан шахсий ҳаётига аралашмасликни сўради.
«Ҳеч қандай салбий нарса йўқ! Бизни ўз ҳолимизга қўйинг. Барчага севгилар», — дея изоҳ қолдирган Бурак.
Аммо мухлислар Фаҳрие ҳозир уч ойлик ҳомиладор бўлишига қарамай, эр-хотиннинг ажрашиши мумкинлигидан хавотирда. Жуфтлик ҳозирда уч ёшли ўғли Каранни тарбияламоқда, у ҳам ота-онаси билан бирга реклама ва фильмларда рол ўйнаш орқали катта пул ишлаб топади.
Мавзуга доир:
- «Севги изтироби» сериали юлдузи Бурак Ўзчивит Москвада: Актёр уни кўриш истагидаги мухлисалари қуршовидан тан соқчилари ёрдамида чиқишига тўғри келди
- «Қурилиш: Усмон» сериалининг суратга олиш гуруҳи аъзоларини ҳақоратлаган актёр Бурак Ўзчивитга суд ҳукми ўқилди
- Бурак Ўзчивит рафиқаси Фаҳрие Эвженга қимматбаҳо совға тайёрлади, бироқ туркиялик журналистлар актёрнинг сюрпризини ошкор қилиб қўйди
Изоҳ (0)