Россияда ҳужжатларини йўқотиб қўйган ўзбекистонлик аёл ватанга қайтарилди

Россияда ҳужжатларини йўқотиб қўйган Ўзбекистон фуқаросига ёрдам кўрсатилди. Бу ҳақда Ташқи меҳнат миграцияси агентлиги хабар бермоқда.

Маълум қилинишича, самарқандлик аёл Г.Л. 2020 йилнинг январь ойида Россияга ишлаш мақсадида борган ва шахсини тасдиқловчи ҳужжатларини йўқотиб қўйган. Шундан сўнг меҳнат фаолиятини давом эттира олмай, мураккаб молиявий аҳволда қолган. Ташқи меҳнат миграцияси агентлигининг Москва шаҳридаги ваколатхонасига Ўзбекистонга қайтишда амалий ёрдам сўраб мурожаат қилган

Аёл хорижда меҳнат фаолиятини амалга оширувчи фуқароларни қўллаб-қувватлаш ҳамда уларнинг ҳуқуқ ва манфаатларини ҳимоя қилиш жамғармаси ҳисобидан Ўзбекистонга қайтарилди.