Ўзбек дўпписини кийган ўғлон, милтиқ ўқлаётган полвон: Деҳқонободда бўлиб ўтган кўпкураш ҳарбий-ватанпарварлик мусобақаси — суратларда

Қашқадарё вилоятининг Деҳқонобод туманида кўпкураш ҳарбий-ватанпарварлик мусобақасининг финал босқичи бўлиб ўтди. Бу ҳақда «Дарё» мухбири хабар берди.

Маълум бўлишича, мусобақанинг финал босқичида туманнинг «Чучуқудуқ», «Аэродром» ва «Деҳқонобод» маҳалласи жамоалари иштирок этган.

Ушбу якуний босқичда «Чучуқудуқ» маҳалласининг «Шоввозлар» жамоаси 1-ўринни, «Аэродром» маҳалласининг «Бургутлар» жамоаси 2-ўринни, «Деҳқонобод» маҳалласининг «Алпинистлар» жамоаси 3-ўринни қўлга киритди. Барча ўрин соҳиблари муносиб тақдирланди. «Чучуқудуқ» маҳалласининг «Шоввозлар» жамоаси эса вилоят босқичига йўлланмани қўлга киритди, — дейди Деҳқонобод тумани ҳокимлиги ахборот хизмати ходими Муроджон Амиров.

Таъкидланишича, ДХХ вилоят бошқармаси ва туман ҳокимлиги ҳамкорлигида ўтказилган тадбирда ДХХнинг вилоят бошқармаси бошлиғи, Деҳқонобод тумани ҳокими ва сектор раҳбарлари иштирок этган.

Мусобақа сўнгида катта концерт дастури намойиш этилган.