Бухоро вилояти Бухоро туманида тадбиркорнинг ер майдонини сотмоқчи бўлган фирибгар ушланди, деб хабар беради Иқтисодий жиноятларга қарши курашиш департаменти.
Қайд этилишича, Бош прокуратура ҳузуридаги департамент ҳамда ИИВнинг Бухоро вилояти бошқармалари томонидан тезкор тадбир ўтказилган. Унда фуқаро С.С. Бухоро тумани «Боғидашт» МФЙ ҳудудидаги тадбиркор Ш.нинг иссиқхонасига қарашли 4 сотих ер майдонини бошқа бир фуқаро А.га 8 минг долларга сотишга келишиб, ушбу ер майдони ўзига тегишли эканини айтгани аниқланган. У танишлари ёрдамида ҳужжатларини расмийлаштириб бериш эвазига олдиндан 4 минг долларни олган вақтида ашёвий далиллар билан ушланган.
Ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилган. Ҳозирда тергов ҳаракатлари ўтказилмоқда.
Изоҳ (0)