Ўзбекистондаги сув омборларида 9,6 миллиард куб метр сув захираси мавжуд. Бу 2021 йилга нисбатан 1,5 миллиард куб метр кўп, деб хабар бермоқда АОКАда ўтказилган брифингда Сув хўжалиги вазирлиги ахборот хизмати раҳбари Шуҳрат Суюнов.
Матбуот котиби, шунингдек, 2022 йилги суғориш мавсумида қанча миқдорда сув етказиб берилиши юзасидан маълумот берди.
2022 йил бошидан буён 344 минг 8 гектар майдонда, жумладан, 77 минг 793 гектар майдонда томчилатиб суғориш, 11 минг 431 гектар майдонда ёмғирлатиб суғориш, 4 минг 478 гектар майдонда дискрет усулда суғориш технологиялари ишга туширилган.
66 минг 483 гектар майдонда кўчма эгилувчан қувурлар ёрдамида, 35 минг 35 гектар майдонда эгатга плёнка тўшаб суғориш йўлга қўйилган. 148 минг 789 гектар майдон лазерли текисланган.
Йил якунига қадар 478 минг гектар майдонда сувни тежайдиган технологиялар жорий қилинишини таъминлаш ва сув тежовчи технологиялар билан қамраб олинган майдонларни 27 фоизга етказиш мақсад қилинган.
Изоҳ (0)