Buxoro viloyati Buxoro tumanida tadbirkorning yer maydonini sotmoqchi bo‘lgan firibgar ushlandi, deb xabar beradi Iqtisodiy jinoyatlarga qarshi kurashish departamenti.
Qayd etilishicha, Bosh prokuratura huzuridagi departament hamda IIVning Buxoro viloyati boshqarmalari tomonidan tezkor tadbir o‘tkazilgan. Unda fuqaro S.S. Buxoro tumani “Bog‘idasht” MFY hududidagi tadbirkor Sh.ning issiqxonasiga qarashli 4 sotix yer maydonini boshqa bir fuqaro A.ga 8 ming dollarga sotishga kelishib, ushbu yer maydoni o‘ziga tegishli ekanini aytgani aniqlangan. U tanishlari yordamida hujjatlarini rasmiylashtirib berish evaziga oldindan 4 ming dollarni olgan vaqtida ashyoviy dalillar bilan ushlangan.
Holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilgan. Hozirda tergov harakatlari o‘tkazilmoqda.
Izoh (0)