«Барселона» яна Barca Studios’нинг маълум улушини сотиб юборди. Клуб янги футболчиларни рўйхатдан ўтказиш учун маблағга муҳтож

«Барселона» тўртинчи молиявий дастакни фаоллаштирди. Бу ҳақда клуб расмий сайтида маълум қилинди.

Каталон клуби Barca Studios акцияларининг 24,5 фоизини 100 миллион евро эвазига Orpheus Media’га сотган.

Аввалроқ «Барселона» учта молиявий дастакни фаоллаштирганди. Унда клуб Ла Лига трансляция ҳуқуқининг 25 фоизини 25 йилга берган, шунингдек, Barca Studios’нинг 24,5 фоизини сотиб юборганди.

«Барселона» олдида янги футболчиларни Ла Лига рўйхатидан ўтказиш вазифаси турибди. Каталонлар ёзда Роберт Левандовски, Франк Кессиэ, Жюл Кунде, Рафинья Диас ва Андреас Кристенсенни ўз сафига қўшиб олди. Шунингдек, Усмон Дембеле ва Серхи Роберто билан янги битим имзолади. Ла Лига бошланиш арафасида улар ҳамон рўйхатдан ўтказилмаган.